LAOAG CITY – Manamnama a maiyawid ti bangkay ti maysa a balasang iti probinsya ti Cagayan kalpasan a nadisgrasya daytoy iti Barangay 18 San Pedro iti Ili ti San Nicolas.
Basar iti imbestigasyon ti Philippine National Police iti ili ti San Nicolas, ti biktima ket agturong iti amianan a laud a direksyon ngem idi nadanon na ti kurbado a paset ti kalsada iti nadakamat a barangay ket napukawan datoy ti kontrol a nagresulta iti pannakadungparna iti stone boulder.
Gapu iti daytoy, nagsagrap ti driver iti sugat iti ulo na ken dagus a naitaray iti Mariano Marcos Memorial Hospital and Medical Center iti siudad ti Batac ngem naideklara a dead on the spot babaen ti doctor a nangtaming kenkuana.
Naammuan pay a ti biktima ket nakapasar ti Traumatic Brain Injury.
Mainaig iti daytoy, nabigbig ti biktima a ni Grazia Ramos y Fariñas, agtawen 24, awanan asawa, residente iti tubo ti iti Cagayan ngem agnanaed iti Barangay 41 Balacad, Laoag City.
Kabayatanna, naammuana a ti biktima ket adda impluwensya na ti nasanger, ken napataray daytoy.
