LAOAG CITY – Nabirukan a maysan a bangkay ti lalaki a nagtapwak iti Sarrat Bridge a kumamang iti C5 road iti Barangay 20 iti nadakamat nga ili.
Daytoy ti kinumpirmaran ni Police Captain Raycar Almazan, ti chief of police iti ili ti Sarrat ken binigbig na daytoy a ni Rhayjay Rasay.
Kunana a nakita nga agtatapaw ti bangkay na iti Barangay 19, iti ili met laeng a Sarrat.
Segun kenni Almazan, kinumpirmaran met a mismo ti pamilya ni Rasay a miembro ti pamilya da daytoy.
Inbatad na a basar iti imbestigasyon da, sakbay a nagtapwak ni Rasay iti rangtay ket nakaro ti panaginom na ti nasanger ken rumrumuar a nagsina da iti nobya na.
Mainaig iti daytoy, kunana nga awan met ti rekord ni Rasay iti ili da no sadinno awan dagiti nakarirriri na iti kallabes.
