LAOAG CITY – Nakarekobre ti Philippine National Police iti ili ti Solsona ti maysa a nalamiis a bangkay ti caretaker iti maysa a Nipa Hut asideg ti Sitio Boing iti Brgy. Maananteng iti ili ti Solsona no sadinno dagus a nagresponde dagiti kameng t polisia pakairamanan dagiti personnel ti Solsona Rural Health Unit iti nadakamat a lugar.
Binigbig ni P/Capt. Randy Damo, hepe ti Philippine National Police iti nadakmat nga ili ti biktima nga agtawen ti 68, lalaki, awanan asawa, caretaker, residente iti Brgy. Maananteng iti ili ti Solsona.
Segun kenkuana, immunan nga adda ti nangireport a umli iti opsinada iti bigat idi laeng kalman no sadinno a limmabas da iti nipa hut a pagnanaedan ti biktima no sadinno a naduktalanda a nakaidda iti daga ti biktima iti nasao a lugar.
Basar iti naisayangkat nga imbestigasion dagiti otoridad agnanaed nga agmaymaysa ti biktima iti lugar a nakarekobrean iti bangkayna.
Kinuna ni Damo nga impudno ti pamilia ti biktima nga addaan daytoy ti epilepsy ken masansan a makapaspasar ti seizure.
Nangisayangkat ti MHO Dr. Ruth B De Lara iti post mortem examination iti bangkay ti biktima awan ti pagilasinan ti foul play/injury wenno struggle iti lugar a nakadiskobreanda.
Naammoan nga agarup innem nga oras ti napalabasen sakbay a nabirukan ti bangkay ti biktima ken ti rason ti pannakapatayna asphyxia secondary to epilepsy.
Kabayatanna, nagkedked ti pamilia nga ipadalan ti autopsy ti bangkay no sadinno naakseptarda ti pannakapatay ti nasao nga biktima.
