LAOAG CITY – Nakita ti bangkay ti maysa a lakay iti kalsada bisinidad ti Barangay Cali iti ili ti Dingras.
Nabigbig ti biktima a ni Manuel Munoz y Acosta, 76, balo, pensioner, ken residente iti Brgy. Saludares iti nasao nga ili.
Basar iti PNP-Dingras, mismo a ti kaanakan ti biktima a ni Adela Linda y Munoz ti napan nagreport iti opisina da mainaig iti napasamak iti uliteg na.
Naamoan a kabayatan ti papan panagubran ti kaanakan ti biktima a ni Jerry Munos y Sebastian, agtawen ti 35, naasawaan ken mannalon, ket nakita na a nakadasay ti uliteg na iti kalsada iti nasao a barangay.
Narekobre iti asideg ti bangkay ti biktima ti maysa a botelya ti arak.
Agpapan ita ket saan pay a nadeterminar dagiti otoridad no ania ti nakatayan ti biktima.
