LAOAG CITY – Maysa a bangkay ti lakay nga agtatapaw ti nakita iti padsan river a masakupan iti Brgy. 27 ditoy siudad ti Laoag .
Basar iti PNP ditoy siudad ti Laoag, ti biktima ket agtawen ti 72, balo ken residente iti Brgy. 18 iti ili ti Sarrat.
Iti naiyuswat nga imbestigasyon, mapan kuma agbanniit ti dua a lallaki nga agpada a residente iti Brgy. 28 ditoy sudad idi ta nakita da ti bangkay nga agtatapaw iti karayan ken awan ti pagan-anay na.
Mainaig iti daytoy, iti pannakaipadalan ti postmortem examination iti bangkay ket naduktalan a pimmusay gapu iti myocardial infarction.
Naamoan a mapan koma agalaw ti biktima iti karayan ti kayo a mausar iti pagtungo.
