LAOAG CITY – Nabirukan ti bangkay ti maysa a lalaki iti Sitio Madardarat, Brgy. Pancian iti ili a Pagudpud.
Nabigbig daytoy a ni Jerry Gaveria y Galapia, 38, awanan asawa ken residente iti nasao a barangay.
Basar iti imbestigasyon, nabirukan ti bangkay ni Gaveria iti pagtaengan a banbantayan na a kukua ti karruba na a ni Michael Domingo.
Inbatad ni Brgy. Kagawad Rolando Garaña , ti half-brother ti biktima a mammartek ni Gaveria uray agsagsagaba daytoy ti ulcer ken hypertension.
Naudi a nakita ti biktima idi Pebrero 22 ita a tawen.
Iti agdama, agtultuloy iti imbestigasyon no ania iti makaigapu ti nakatayan ni Gaveria.
