LAOAG CITY – Nabirokan ti maysa a bangkay ti lalaki iti maysa nga abandonado a pagtaengan iti Brgy. 9 ditoy siudad ti Laoag.
Iti nakalap nga impormasyon ti Bombo Radyo Laoag, nakaangot dagiti residente iti nabangsit manipud iti nasao a pagtaengan ket dita a nakita da ti bangkay.
Kunada a maipagarup nga adda iti diperensya ti panagpanpanunot ti nabirokan da a bangkay ti lalaki gapu ta mamati da nga agwalang-walang ti nasao a lalaki ken malasin da iti suot na a #23 jersey a nagmaris ti red ken nakashort pant ti nangisit.
Basar dagiti tattao, makitkita da nga agtamtambay ti nasao a lalaki iti agarup 30 a metro manipud iti pagtaengan a nakabirokan ti bangkay na.
Nasdaaw dagiti maseknan iti iseserrek ti nasao a lalaki iti nasao a pagtaengan.
Agtultuloy ti imbestigasyon dagiti otoridad mainaig iti pakabigbigan ti bangkay ti lalaki.
