LAOAG CITY – Kinumpirmaran ni Police Lt. Tolentino Erum, hepe ti PNP Piddig a nabirokan ti maysa a bangkay ti lalaki nga agtawen ti 54 iti igid ti karayan a sakop ti Brgy. Cabaruan iti nasao nga ili.
Kuna na a ti kayong ti biktima iti nakakita iti bangkay idi mapan kuma met agbaniit ti ikan.
Segun kenni Erum, naideklara a pimmusay ti biktima gapu ti hypertension ken awan ti nakita da nga anyaman a foul play ti pannakatay ti biktima.
Inbatad na a nagpakada ti biktima tapno mapan aglaba iti igid ti karayan iti agarup alas-nuebe ti bigat idi kalman ken napudot iti dayta a kanito.
Kuna na na a basar iti pamilya ti biktima ket adda ti sagsagabaen na a hypertension.
Innayon ni Erum nga awan a pulos ti paglingonan a nakapatakder iti igid ti karayan a naglabaan ti biktima.
