LAOAG CITY – Addan ti nangbigbig ti kinatao ti bangkay a nabirukan iti igid ti baybay iti paset ti Sitio Gaua, Brgy. Balaoi idia ili ti Pagudpud.
Nabigbig ti bangkay a ni Regie Derla y Manaday, agtawen ti 35 ken residente iti Purok 2, Pata, Claveria Cagayan.
Naamoan a nagpukaw ni Manaday idi Enero 23, ita a tawen kalpasan a nagbaliktad ti bangka a nagluganan na a napan nagkalap ken isuna laeng ti saan a nakalasat.
Immuna iti daytoy,kuna ni P/S/Inps. Eduardo Santos, Hepe ti Pulisya ti ili ti Pagudpud, nagpakaammo kadakuada ti Coast Guard nga adda ti mapukpukaw a a mangngalap iti ili ti Claveria kalpasan a nagbaliktad iti bangka na gapu ta maipagarup a nabartek bayat ti panagkalap na.
Kuna na a kalpasan a naamiris ti bangkay babaen ti Municipal Health Officer ket inkabil da iti maysa a funerarya iti Pob. 2 ti nasao nga ili.
Maipalagip nga itay bigat ket nakita dagiti residente ti ti bangkay ti lalaki a tumtumpaw ken mangrugin nga agrupsa iti igid ti baybay ti nasao a lugar.
