LAOAG CITY – Nabirukan dagiti lumugar iti Bgy. Davila iti ili a Pasuquin ti maysa a bangkay ti maysa a lalaki a tumtumpaw iti igid ti baybay ti nasao a barangay.
Segun ken ni Bgy. Chairman Elvie Agoo ti nasao a barangay, idi rabii pay a nakita dagiti kalugaran na ti nasaa a bangkay ngem gapu ta nadawel ti bay bay isu nga impabigat.
Kuna na a babaen ti tulong ti Coast Guard ket naalaw ti bangkay ken inpaigid da.
Inladawan ni Agoo ti bangkay nga ado ti tattoo ti bagi na ken ti maysa ditoy ket ti tatoo a Jeffrey iti makinkannawan nga abaga na.
Mapattapatta nga agtayag daytoy iti 5 a kadapan ket uppat a pulgada, nabisged, naka jacket, taallo ti nagsusukot a bado ken nakashort ti nangisit.
Kuna pay ni Agoo nga adda dunor kadagiti nagduduma a paset ti bagi ti biktima maibilang dituyen ti maipagarup a tama ti paltog iti ulo na.
Patyen na a saan da a kalugaran ti biktima gapu ta awan met ti mapukpukaw a kalugaran da ket mapapati a taga sabali a lugar wenno ganganaet.
Mainaig iti daytoy,ingkeddeng ti PNP-Pasuquin a temporaryo a maikabil iti funerarya ti bangkay ti lalaki a naalaw a tumtumpaw iti igid ti baybay a paset ti Bgy. Davila ti nasao nga ili.
Segun pay ken ni Agoo, babaen iti daytoy ket mataming ti nasao a bangkay pangiura-urayan iti posible a mangbigbig iti daytoy.
Kuna na nga iti inisyal a panangamiris dagiti pulis ti bangkay ket aglanglanga a gangannaet.
