LAOAG CITY – Nabirokan iti bangkay ti maysa a mannalon iti kataltalonan iti Brgy. Baresbes iti ili a Dingras.
Bingibig ni Brgy. Chairman Elmer Tolentino ti biktima a ni Elwin Tagata Cariaga, agtawen ti 32 naasawaan ken residente iti nasao a barangay.
Segun kenni Tolentino, napan iti taltalon ti biktima ken maysa a kadwa na ngem tinalawan ti kadwa na gapu ta gimmatang ti meryenda ngem idi agsubli daytoy ket saan na a nadanon ti biktima isu a binirok na ngem saan na a nabirukan.
Gapu iti daytoy, napan nangayab ti kadwa na a mangsarak kenni Cariaga ket dita a nakita da a nakadasay iti tengnga ti kataltalonan.
Rumrumuar a ti rason ti nakatayan ni Cariaga ket gapu iti .nairana a panagkissiw na.
Kunana nga idi nagkissiw daytoy ket posible a naangsan gapu ta nakapakleb ken nailumlom ti rupa na iti pitak.
Patyen dagiti maseknan nga awan foul play ti pannakatay ti biktima gapu ta rumrumwar a nabayagen a sagsagabaen na ti nasao a sakit.
