LAOAG CITY – Nabirukan ti bangkay ti maysa a lakay iti uneg ti balay na idiay Barangay 3, Vintar, Ilocos Norte.
Nabigbig ti biktima a ni Raymund Streegan, agtawen iti 60, residente met laeng ti nasao a barangay, ken kabsat ti maysa a kandidato a para mayor iti ili ti Vintar.
Inbatad ni Police Major Joseph Baltazar, ti chief of police iti nasao nga ili nga agmaymaysan nga agnanaed iti balay na ti biktima ken daytoy ket maipagarop nga adda ti sakit na nga asthma.
Kuna na a nakita lattan a nakaidda ti biktima iti datar iti uneg ti balay na.
Iti agdama, agtultuloy ti imbestigasyon dagiti otoridad tapno maamoan no ti sakit ti biktima nga asthma ti nakatayan na wenno adda pay ti sabali a makagapu.
