LAOAG CITY – Nadiskubre a maysan a bangkay ti lalaki iti ili ti Bacarra.
Basar iti report ti PNP-Bacarra, ti biktima ket agtawen ti 36 ken residente iti nakadamat nga ili.
Iti report dagiti otoridad, iti parbangon iti kalman, nakita ti agtawen ti 50 a lalaki ti biktima a nakabitin rason nga inreport na a dagus kadagiti otoridad.
Naamoan a ti biktima ket addaan ti warrant of arrest gapo iti kaso na a panaglabsing iti RA 8353 wenno panagrames ken sipud iti dayta ket naglemlemmeng iti kabanbantayan.
Segun met iti kabsat ti biktima, idi Hunyo 26 ket nagkiddaw ti makan ti biktima ngem dagus met laeng a pimmanaw.
Kinumpirmaran met ti Municpal Health Officer iti ili ti Bacarra a ti biktima ket natay gapo iti aspyxia secondary to stragulation.
