LAOAG CITY – Awan ti makitkita a foul play ti pannakatay ti maysa a mangisursuro a mangal-ala ti doctorate iti Mariano Marcos State University.
Binigbig ni Police Supt. Edwin Balles, hepe ti PNP Laoag, ti biktima a ni Madeline Ancheta Refuerzo Bongolan, tubo ti Sta. Maria, Ilocos Sur.
Segun kenni Balles, nakaawat da ti impormasyon nga adda ti nabangsit nga angot manipud iti kuarto iti apartment ti biktima iti Brgy. 28 ditoy siudad ti Laoag.
Kuna na nga idi nalukatan da ti kuarto ket ditoy a nakita da ti bangkay ti mangisursuro a nakaidda.
Basar iti eksaminasyon ni Dr. Joseph Adaya iti bangkay ti mangisursuro ket natay gapu ti cardiac arrest ken mapatta-patta a 24 nga oras a pimmusayen.
Iti agdama, inpakaammo dagiti otoridad ti napasamak iti biktima, iti pamilya na idiay Ilocos Nur.
Naamuan a ti biktima ket instructor idiay Agusan del Sur State College of Agriculture and Technology.
