LAOAG CITY – Nasarakan ti bangkay ti maysa a Senior Citizen iti paset ti Brgy.34 iti ili ti Bacarra partikular iti igid ti karayan.
Nabigbig ti biktima a ni Macario Dugay, agtawen ti 80, balo ken risidente iti nadakamat a lugar.
Immunan iti daytoy, narekobre ti bangkay ti biktima ti mismo anakna a ni Sammuel Dugay nga agtawen ti 52 ken residente iti nasao a lugar.
Basar iti imbestigasion ti Philippine National Police iti ili ti Bacarra, napan nagdigos ti biktima iti karayan idinto nga agsubli iti nagsukatan ti badona ket maipagarup a naawanan daytoy ti puot rason ti ipupusayna.
Segun iti attending physician a ni Dr Lester A Sigabu, Rural Health Physician iti Bacarra RHU, ti biktima ket possible a na-Heat Stroke.
Nupay kasta, nagkedked ti pamilia ti biktima a dumalan daytoy iti autopsy.
