LAOAG CITY – Narekobre ti bangkay ti maysa a doktor iti uneg ti kwarto iti balay da idiay Barangay 9 ditoy ciudad ti Laoag.
Nabigbig daytoy a ni Dr. Jesus Balictan Tomas, agtawen ti 69, naasawaan ken residente iti nasao a barangay.
Segun ti imbestigasyon ti PNP, idi biruken ti anak ti biktima a ni Jesus Arconado Tomas, naggapo idiay Hawaii ket nakita na laengen ti bangkay ti ama na nga adda iti kwarto nga awanen ti anges na.
Basar kenni Dr. Renato Mateo, iti City Health Office ket natay addan ti walo nga oras ti napalabas ken gapo ti celebru vascular accident.
Awan met ti nakita a foul play dagiti otoridad iti nasao a pasamak.
