LAOAG CITY – Nabirukan ti bangkay ti maysa a lakay iti mismo a pagtaengan na idiay Barangay 15 iti ili ti San Nicolas, Ilocos Norte.
Nabigbig daytoy a ni Ignacio Tagalog, maysa a senior citizen ken residente iti nasao a barangay.
Segun ti kaanakan ni Tagalog a ni Miss Fritzie Castillo, idi mapan na kuma ikkan ti kanen ti biktima ket nakita na uliteg na a nakatugaw ken mangil-ngilaw ken addan ti madi nga angot ti bangkay.
Inlawlawag na nga idi nakumpirmaran na a ni Tagalog daytoy ket dagus a nagpatulong ken nagreport kadagiti otoridad.
Inbatad na a ti laeng sakit ni Tagalog ket ni kaadda ti angkit na ken nabayag nan a saan a nakita ti biktima.
Naamoan a ni Tagalog ke agmaymaysan nga agbibiag.
Mainaig iti daytoy, awanen ti plano ti pamilya ni Tagalog nga ipadalan iti otopsiya ti bangkay na gapo ta patyen da a ti rason a nakatayan na ket ti sakit na.
Rumrumwar nga addan tallo nga aldaw a pimmusay ti nasao a biktima.
