LAOAG CITY – Maysa a bangkay ti nakita iti uneg ti maysa a isuzu truck iti a nakaparking iti compound ti Viking Construction iti Barangay 53, Rioeng ditoy ciudad ti Laoag.
Nabigbig ti biktima a ni Arnold Caliboso Pancho, agtawen ti 51, awanan ti asawa, stay-in worker ti nasao a Construction firm ken taga Puga, Calayan Island.
Segun ti report, ti bangkay ti biktima ket nakita ti agnagan ti Bong dela Cruz Pasigui, agtawen ti 51, naasawaan, maysa a civil engr. Ken residente iti Barangay 31, Talingaan ditoy ciudad ti Laoag nga empleyado met laeng ti nasao a kompanya.
Immunan nga inbatad ti kabsat ti biktima a ni Magdaleno Calibuso Pancho Jr. nga adda ti sakit na nga hypertension.
Mainaig ti daytoy, iti panangeksamen ni Doctor Lynette Formantes iti City Health Office ditoy ciudad ti Laoag ti bangkay ti biktima ket kinumpirmaran na a natay daytoy gapu ti pannakaatake na.
Innayon na a nasuroken nga uppat nga oras a natay ti biktima sakbay a nakita ti bangkay na.
