LAOAG CITY – Narekobre iti bangkay ti maysa nga ama nga agtatapaw iti Padsan River a bisinidad iti Brgy. Daquioag iti ili a Marcos.
Nabigbig ti biktima a ni Francisco Tamayo y Yate, 53, Utility worker iti LGU Marcos ken residente iti nasao a barangay.
Basar iti imbestigasyon, nagpakada ni Tamayo iti asawa na a mapay daytoy aggasolina iti bigat.
Iti aldaw na ket nakita ti maysa nga Allan Valencia y Bumanglag a residente iti nasao met laeng barangay iti maysa a nakaparada a tricycle iti igid ti karayan idinto a nadlaw na nga adda pay laeng iti tricycle iti kamaleman na ket ditoy a nadiskubre na iti agtatapaw a bangkay iti karayan.
Naideklara a dead on arrival ti biktima ken naamoan nga adda iti sagsagabaen na nga hypertension ken seizure disorder.
Naamoan a segun iti asawa ni Tamayo, masansan nga agdigdigos iti biktima iti karayan.
