LAOAG CITY – Naisangpeten ditoy pagilyan ti bangkay ti agtawen ti 34 nga Overseas Filipino Worker (OFW) a napapatay idiay Amman, Jordan.
Immunan a nabigbig ti nasao nga Overseas Filipino Worker a ni Mary Grace Santos manipud Pampanga ken nagserbi kas household service worker idiay Jordan.
Iti inisyal nga imbestigasyon, ni Santos ket maatap a nirames ken pinapatay ti menor de edad nga Egyptian, anak ti caretaker ti employer na.
Segun kenni Department of Migrant Workers Undersecretary Bernard Olalia, inreport ti maseknan a pamilya a mapukpukaw ti biktima idi Oktobre 12 ita a tawen.
Nupay kasta, nabirukan ti bagina iti basement ti building a pagtrabtrabahoanna idiay Amman.
Immunan nga inrakurak ti Jordanian Police nga inadmitir ti suspek ti inaramid na a krimen.
Iti agdama, hustisya ti iyik-ikkis ti pamilya ti nasao nga Overseas Filipino Worker.
Immunan nga inbatad ti ina ti biktima nga agawid koman iti pagilian ti anak na intono Oktobre 24 ita a tawen.
Ti biktima ket addaan ti dua nga anak nu sadino impanamnama ti gobyerno ti tulong pinansyal a maipaay para kadakuada.
