LAOAG CITY – Narekobre ti bangkay ti tallo a hostage ti militante a Hamas bayat ti maysa a rabii nga operasion ti Israeli Defence Forces iti Jabalya cap iti Northern Gaza.
Dagiti tallo a hostage a nasarakan ket napapatay iti panangraut idi Oktubre 7 idiay Mefalsim Intersection iti asideg ti beddeng ti Israel iti Gaza.
Inturong met dagiti Hamas dagiti bangkay iti teritorio da, kabayatan ti panangi-pakaammo da kadagiti pamilya dagiti biktima.
Mainaig iti daytoy ket binigbig ti Israeli Defence Forces (IDF) dagiti tallo a biktima a da Hanan Yablonka, Michel Nisenbaum, ken Orion Hernandez.
Iti agdama, adda pay laeng 121 a hostages nga iggem ti Hamas idiay Gaza.
