LAOAG CITY – Inpakaammo ti Bangko Sentral ng Pilipinas (BSP) iti nabiit pay a forum ti kinapateg ti smart retirement planning karaman ti panangitandudona iti Personal Equity Retirement Account (PERA) para iti pananggun-od iti financial security iti retirement.
Inpaganetget ni Bangko Sentral ng Pilipinas Deputy Governor Eduardo Bobier no kasano a suportaran ti Personal Equity Retirement Account, kas ti Open Finance initiative ti ahensia, dagiti Pilipino tapno maragpatda ti financial freedom a mangpalaka iti desisionda iti pinansial.
Segun ken ni Trust Officers Association of the Philippines (TOAP) President Christiane Alonzo-Velasco maipapan iti kinapateg ti early retirement planning ket binalakadanna dagiti Pilipino a mangikeddeng kadagiti nalawag ken konkreto a panggep.
Kabayatanna, napagsasaritaan pay iti forum ti epekto ti inflation iti panagurnong para iti panagretiro ken dagiti investment mechanisms babaen ti Personal Equity Retirement Account a napateg a kanayonan kadagiti traditional pension plans.
