LAOAG CITY – Manamnama nga isardeng ti Bangko Sentral ng Pilipinas (BSP) ti panagawat ti aplikasyon para iti digital bank licenses mangrugi intono December, kalpasan ti panangaprubar ti Monetary Board ti moratorium ken agtalinaed daytoy agingga nga awan ti abiso.
Iti maysa nga advisory, inbatad ti Bangko Sentral ng Pilipinas a dagiti agaplikar met addaan ti gundaway agingga iti November 30, 2025 a mangisubmitir iti kumpleto nga aplikasyon da ken matingiting daytoy babaen met iti first-come, first-served basis.
Segun iti central bank, ti documentation ken licensing requirements ket masapol a kumpleto gapo ta dagiti saan a kumpleto wenno non-compliant ket saanen a maakseptar kalpasan ti deadline.
Ti desisyon ket paset iti effort ti bangko sentral nga pilipinas a mabalanse ti digital innovation nga addaan ti financial stability.
Gagem ti central bank a babaen iti pannaka-evaluate dagiti aplikante ket masigurado ti kinatalged iti sound governance, management frameworks ken dadduma pay.
Maipalagip nga idi Agosto 2024 ket inaprubaran ti Monetary Board of the Bangko Sentral ng Pilipinas (BSP) ti panagngato ti limitasyon iti digital bank license iti 10 manipud iti innem.
