LAOAG CITY – Napili a mangidaulo iti interim government ti Bangladesh ni Nobel laureate Muhammad Yunus.
Daytoy ket kalpasan iti panaglusulos iti puesto ni dati a Prime Minister Sheikh Hasina a timmalaw metten gapu iti agtultuloy a tignay protesta.
Ti rakurak iti pannakapili ni Yunus ket manipud iti Joynal Abedin ti Press Secretary ni President Mohammed Shahabuddin.
Immunan nga inrakurak ti Bangladesh Army a maaddaan pay laeng nga umuna ti interim government kalpasan ti panaglusulos iti puesto ni Hasina.
Maipalagip nga adda ti nasurok 300 a tattao ti pimmusayen kalpasan ti sumagmamano nga aldaw a tignay protesta idiay Bangaladesh a konkontraen ti panangidaulo ni Hasina nga adda iti puesto manipud pay idi 2006.
