LAOAG CITY – Inikkat ti Korte iti Bangladesh ti mailunglungalong a gakat a maaddaan ti quotas kadagiti trabaho iti gobierno.
Ti nasao a gakat ket nangitunda ti tignay protesta a nakatayan ti sumurok 100 a tattao.
Nailanad iti nasao a gakat a ti nailatang kadagiti kabagian dagiti war veterans ti trabaho iti gobierno.
Naammoan a naan-anay a nawayawayaan ti Bangladesh iti Pakistan idi 1971.
Inbatad ni Law Minister Anisul Huq, ti nasao a mailunglungalong a gakat ket addaan ti lima a porsiento kadagiti kabagian dagiti war veterans ti mapalubusan a makastrek iti trabaho iti gobierno.
Binabalaw met ti gobierno dagiti opposition forces nga isuda ti nangiduron ti pannakaiwayat ti tignay protesta nga isu ti mangdadael iti panagdur-as ti Bangladesh.
