BOMBO LAOAG – Napili ni Bangui Mayor Fidel Cimatu kas baro a Presidente ti League of Mayor of the Philippines (LMP) -Ilocos Norte Chapter.
Mainaig iti daytoy, inyebkas ti Mayor ti napalaos a panagyamanna kadagiti padana a Mayor iti inpaayda a suporta iti panakapili na iti nasao a posisyon.
Inbagana a saanna amin a kabaelan nga akmen ti responsibilidad iti pannakapili na iti nasao a posisyon no awan ti naan-anay a suporta dagiti pada na a Mayor.
Inpanamnama ni Cimatu a kas baro a mangidaulo iti nasao nga organisasyon ket agbalinto daytoy nga aktibo.
Kinuna na pay a silulukat ti liga da kadagiti padana a Mayor iti aniaman a lungalong para iti napinpintas, nasaysayaat ken al-alisto a panagserbi.
Kuna pay ti Mayor a plano na ti mangisayangkat ti “fund raising” tapno iti kasta ket adda ti insigida a pagkautan da ti pundo no adda dagiti agkasapulan a kaprobinsiyaan no adda dumteng a didigra.
