LAOAG CITY – Maysa a lakay a nalamiisen a bangkay idi nabirokan ti kabagyan na iti kataltalonan iti Bgry. 8 Tangaoan iti ili ti Piddig.
Nabigbig ti biktima a ni Justino Dorotan, agtawen ti 74, balo, maysa a mannalon ken residente iti Brgy. Ab-Abut
Segun ti PNP Piddig, inpakaammo ni Brangay Chairman Charito Garma Jr. ti insidente a nabirokan da ti bangkay ti biktima iti tal-talon a kukua ni Marcos Pascual iti Brgy Tangaoan.
Naudi a nakita da ti lakay nga aggapgapas iti nasao a lugar ken saan da a napasangpet idi rabii.
Naamuan a pimmusay ti biktima gapu ta naaktake babaen ti panangeksamen ni Dr. Estrelia Rivera iti Piddig District Hospital.
