LAOAG CITY – Saan nga ummanong ni Ms. Cathy Estavillo, secretary iti Bantay Bigas a ti ‘half-cup rice’ bill a panggepna na solusionan dagiti masayang a bagas ket saan daytoy a makatulong daytoy kadagiti sumagmamano nga umili ditoy pagilian.
Segun kenkuana, no adda dagiti masayang a bagas ket aggapu daytoy kadagiti dadakkel a restaurant wenno fast food chain, pakairamanan dagiti masaysayang a bagas iti bodega ti gobierno.
Patienna a dakkel ti agbalin nga epekto na kadagiti umili, nangruna kadagiti ordinario a Pilipino a mangmangan kadagiti carenderia tapno makainut ket mapilitan da nga agabayad ti doble para iti half-cup rice.
Kwinestionaranna pay no apay apay a kasapulan a maipasa a linteg ti nadakamat a singasing, idinto a mabalin nga implementaren daytoy kas resolusion kadagiti fast food chain tapno maksayan ti pannakasayang ti bagas.
Kabayatanna, patien ni Estavillo a rumbeng nga ipamaysa ti gobierno a solusionan wenno ikkan atension ti sektor ti agrikultura nangruna kadagiti kasapulan ti mannalon ditoy pagilian.
