LAOAG CITY – Inadmitir ni Atty. Limberge Corpuz, nagturpos iti Mariano Marcos State University (MMSU) – College of Law nga idi mapan ageksamen para ti Bar examination ket nakarikna ti panagdanag.
Nupay kasta, kuna na a sakbay ti eksaminasyon ket nagkararag ken idi mabasa na ti questionnaire ket limmag-an ti rikna na gapu ta naipaadal amin kadakuada dagitoy.
Gapu ti daytoy, nagyaman kadagiti nagbalin a profesor na iti MMSU.
Immuna ti daytoy, kuna na a ti karigatan a paset ti panagadal na ti kina-abogasya ket adda iti 3rd year ken 4th year.
Mainaig ti daytoy, kuna na a ti nagbalin nga inspirasyon na ket dagiti nagannak kenkuana ken aminen a nangsuporta kenkuana bayat ti panagadal na.
Ginundawayan metten ni Corpuz ti nagyaman kadagiti amin nga adda ti likudan ti panagballigi na.
Ni Atty. Corpuz ket agtawen ti 25 ken residente daytoy iti Barangay 26 ditoy ciudad ti Laoag.
Kabayatanna, kuna ni Corpuz nga awan pay ti naplano na kalpasan ti pannakaic ddpasa na iti bar examination.
