LAOAG CITY – Ibilang ti City Health Office a maysa ti Barangay 62-A, Navotas ditoy ciudad ti Laoag kas hotspot ti dengue cases.
Mainaig iti daytoy, kinumpirmaran ni Barangay Chairman Jerry Corpuz iti nga adda ti walo a biktima ti dengue iti nasao a barangay ken dua kadagitoy ket adda iti maymaysa a balay.
Segun kenni Corpuz, inyuswat dan ti general cleaning ken house to house visit da tapno maballaagan dagiti residente nga ituloy da ti agdalos iti ruwar ken uneg ti balay da.
Inbatad na pay nga iti panagsursur da kadagiti balbaly ket isudan a mismo ti mangipakni kadagiti banag a mabalin a pagumukan ti lamok.
