LAOAG CITY – Inbatad ni Mr. William Ulep iti Municipal Agriculture Office iti ili ti Bacarra nga addan ti pannakaisarsarita na kadagiti Barangay Captain a dagitoy ti mangkita ken mangtiliw kadagiti bulos nga aso iti masakupan da a lugar.
Segun kenni Ulep, naipaima kadagiti kapitan ti responsibilidad ken nasken a mamonitor wenno matiliw dagiti walang nga aso.
Inpasingked na a kasarita na dagiti kapitan tapno awan dagiti tumaod a problema mainaig iti daytoy.
Naamoan nga iti ili ti Bacarra ket adda ti listaan iti nagan dagiti agtartaraken ti aso no sadinno ket agarop lima ribo ti nakarehistro.
Ummuna iti daytoy, adda ti naidanon ditoy Bombo Radyo Laoag a reklamo mainaig kadagiti walang nga aso iti Barangay Macupit iti nasao nga ili.
