LAOAG CITY – Naglikudan ni Barangay Chairman Julito Bagasol, iti Brgy. San Roque iti ili ti Paoay ti alegasyon a binekkel na ti maysa a kabarangayan na a maipagarup a karaman iti maysa a gulo.
Inlawlawag na a naggapu da iti Barangay Isolation Unit ken napan da gimmatang iti maysa nga store idi ta adda ti nakaibaga kadakuada nga adda ti komosyon.
Gapu iti daytoy, nagturong ni Bagasol kadua na dagiti dua a kagawad tapno agawa ket nabigbig na dagiti agnagan ti
James Tumamao, agnagan ti Jansen ken dadduma pay.
Segun kenni Bagasol, adda iti likodan ti maysa kadagiti karaman iti gulo ket dita nga inaroy na dagiti dua a takyag ti maseknan.
Inbaga ti kapitan a ti palawag ti naguyud na a tao ket maysa nga agan-anawa rason a dagus na met nga inibbatan.
Kabayatanna, naglikudan pay ni Bagasol nga adda iti impluwensya ti nasanger idi napan da nagresponde.
Innayon na a nagsasarita da ken dagiti maseknan iti PNP Paoay gapu kadagiti alegasyon ngem arig a saan met laeng a nagtuloy ti reklamo kontra kenkuana.
