LAOAG CITY – Nasdaaw ni Barangay Chairman Ernesto Bumanglag no apay ni IN-C56 ti nakaakar kada IN-C60 kenni IN-C61 nga agkabsat dagitoy.
Inlawlawag na a ni IN-C56, maysa a lalaki nga agtawen ti 25 nga immunan a nagpositibo iti COVID-19 ket iti pagtaengan, ken iti lugar a pagtartaraknan da iti baboy ti ruta na.
Inbatad ni Bumanglag nga agarup 500 a metro ti distansya iti pagtaengan dagiti agkabsat kenni IN-C56 ken agnaed da iti Sitio 1 ken Sitio 4.
Nupay kasta inbunannag na nga adda ti tianggi dagiti agkabsat a pasyente ngem patyen na nga adayo a gumatang ni IN-C56 kadakuada gapu ta adda met ti tianggi iti daya a paset ti pagtaengan na.
Kuna ni Bumanglag nga agtrabtrabaho dagiti agkabsat a pasyente ditoy siudad ti Laoag a possible nga isu iti nakaalaan da ti virus.
Kinumpirmaran ni Kapitan Bumanglag a bulontaryo a dimmalan iti swab test da IN-C6- kenni IN-C61 itay kallabes ken positibo ti resulta na.
Nagyaman ti kapitan iti kusa a panagpa swab test dagiti agkabsat ken nakatulong da pay iti panaglapped ti nakarkaro a panagwaras ti COVID-19.
