LAOAG CITY – Saan a patyen ni Barangay Chairman Elviro Agoo iti Barangay Davila iti ili ti Pasuquin nga adda ti maar-aramid nga iligal a panagkalap iti baybay iti nasao a lugar.
Segun kenni Agoo, no adda ti iligal nga agkalkalap ket sigurado a matiliwan da dagitoy rason a saan a mamati nga adda ti kastoy a maiyus-uswat.
Immuna iti daytoy, adda ti naidanon a reklamo iti Bombo Radyo nga adda ti agus-usar ti compressor a pagkalap iti baybay iti nasao a barangay.
Inpetteng na nga awan ti mapaspasamak nga iligal a panagkalap iti masakupan na a lugar gapo ta naiget ti panagmonitor dagiti coastguard a nakabase iti barangay da.
Kabayatanna, inadmitr ni Agoo nga adda ti tallo a bulan ti napalabas kalpasan ti pannakatiliw da kadagiti iligal a nagkalap iti baybay ken nakumpiksar dagiti inusar da a compressor.
