LAOAG CITY – Patien ni Barangay Chairman Joker Ganal iti Brgy. 1 iti ili ti Solsona nga adda ti maris politika ti naipataw kenkuana a 6-months suspension.
Inadmitir na mainaig iti insentibo ti dati a barangay kagawad a ni RB Viloria a do kadagiti guidelines ti Service Recognition Incentive ti saanda naawatan gapu ta agdadamo na pay laeng nga agtugaw kas mangidadaulo ti barangay.
Segun kenkuana, napan ti Barangay Treasurer iti opsina ti Municipal Accountancy tapnu agpatulong mainaig iti insentibo ti dati a abarngay kagawad.
Mainaig iti daytoy, naammoan a qualified daytoy a maikkan ti insentibo wenno bonus idinto a nagkiddaw ti barangay treasurer nga iruar manipud iti banko ti insentibo ti dati a kagawad inton mapan daytoy ditoy siudad Laoag nga agbayad ti cedula ken resibo.
Inpakaammona anangipatulod daytoy ti surat ken ni RB Viloria idi Enero 10 a mabalinna alaenen ti kuarta no sadinno inawat ti dati a barangay kagaawd daytoy surat ngem saanna innala ti insentibo.
Naammoan a nagtaray ni RB Viloria kas Sangguniang Kabataan Chairman idi napan nga eleksion ngem naatiw daytoy indinto a agububra daytoy iti biang ti lokal a gobierno.
Kabayatanna, patienna ni Barangay Chairman Joker Ganal nga ababusuenda dagiti agturturay ti karbenganda.
