LAOAG CITY – Naipisuken iti Ilocos Norte Provincial Jail (INPJ) ni Barangay Chairman Jimmy Pablo iti Barangay Cacafean iti ili ti Marcos seknan iti pannakapaltog a nakatayan ni Police Corporal Wilbert Rarogal Jr.
Daytoy ti kinumpirmaran ni Police Captain Jonvale Maramag, ti chief of police ti PNP-Marcos.
Segun kenni Maramag, karaman ti gunman a napilaan ti kaso a 1 count ti murder, 4 counts ti attempted murder ken panaglabsing iti Omnibus Election Code.
Inbatad ni Maramag nga agtultuloy pay laeng ti panagimbestigar da ken panangammo ti pakabigbigan ti nasao a gunman.
Innayon na a daytoy ket gapo ta agpapan ita ket saan pay nga inbutaktak ni Pablo ti katatao ti nasao a gunman.
