LAOAG CITY – Balligi ken natalna ti pannakisayangkat ti ABC Election iti ili ti Sarrat ita nga aldaw partikular iti Tourism Office.
Daytoy ti kinumpirmaran ni Ms. Maybel Luiz, ti Municipal Local Gov’t Operations Officer iti nasao nga ili.
Segun kenni Luiz, nagatendar iti daytoy dagiti amin kapitan ti 14 a barangay iti lugar.
Kunana a kalpasan daytoy ket naiproklamar a nangabak ni Barangay Chairman Joey Talamayan manipud iti Barangay 2, San Agustin a naaddaan ti butos a siyam kontra kenni Barangay Chairman Richard Agpaoa iti Barangay 11.
Nabutusan met nga ABC Vice Pres. ni Brgy kapitan Reynante Hermano kasta met kenni Brgy kapitan Jil Aguilar iti Brgy 16 Sto. Santiago ken ni Brgy Kapitan Agnes Domingo iti Brgy. 12 San Bernabe nga agpada a nangabak kas Board of Directors.
Inbatad na naragsakan a nalpasen ti eleskyon nangruna ket adda dagiti saan a napintas a napasamak iti napalabas nga aldaw kadagiti dadduma a kapitan.
Maipalagip a sakbay ti ABC Election ket nakaaawat ti regalo dagiti lima a kapitan a naglaon ti banggal, manto, kandela ken pin.
