LAOAG CITY –Nagpadispensar ni Barangay Chairman Primo Jay Ramos iti Barangay 23 ditoy ciudad ti Laoag iti mapaspasamak a panaka-itantan ti road widening iti lugar da pakairamanan ti irrigation road iti paset ti Government Service Insurance System.
Namunganay daytoy kalpasan nga adda nagpost nga indibidual nga agrekreklamo iti nabayag a kontruksyon ti nadakamat a dalan.
Segun ken ni Ramos, kiniddaw na a mapalawa ti dalan gapu ta nailet daytoy ken arigna one lane, ken mangituntunda ti naruay a pannakadisgrasya.
Kunana a nakaaramid da payen ti plano iti konstruksyon ti dalan tapno ti kasta awan ti ado a maapektaran ken sakbay a narugyan ti kontruksyon ket inadal da a nasayaat daytoy.
Naammuan a narugyan ti road wwidening idi maudi a kuarter ti 2023.
Immuna iti daytoy ket naammuan pay a saan a pokpokusan ti kontraktor na daytoy, no sadinno a inpasigurado met ti Department of Public Works and Highways a no saan pay nga agkuti ti kontraktor ket isudan ti mangituloy ti konstruksyon.
Kabayatanna, binallaagan na dagiti residente nga agan-anos ta no mailippas daytoy dalan ket pagserbian met laeng ti kaaduan.
