LAOAG CITY – Inlawlawag ni Barangay Chairman Maria Louisa Pascua iti Barangay Nagbacalan, Paoay, Ilocos Norte ti naidanun a reklamo iti Bombo Radyo.
Daytoy ket pakaseknan ti nalutlot a dalan dagiti estudyante nga agturong iti Paoay Lake National High School
Inbatad ni Pascua a manarimaan ti road widening ti municipal road ngem iti agdama ket temporaryo pay laeng a naipasardeng.
Kuna na nga awan ti inpan ti contractor a temporaryo a pagnaan
isut gapu na a marigatan dagiti estudyante.
Nupay kasta, kuna ni Pascua nga inyuman nan daytoy a banag ken ni Mayor Jessie Galano ket mangnamnama a maaksyunan daytoy a dagus.
Innayon na a mismo payen a ti mayor ti napan nangbisita ti nalutlot a kalsada.
