LAOAG CITY – Naglikudan ni Barangay Chairwoman Aida Conche iti Brgy. Foz, iti ili ti Dingras ti alegasyon a napalubusan a nakarwar dagiti agassawa a nagpositibo iti COVID-19.
Inlawlawag na a nagtalinaed iti pagtaengan dagiti agassawa para iti panag-isolate dagitoy.
Kuna ni Conche a saan da a pulos a naipan iti isolation facility.
Inbatad na a naiget ti panagbantay da ken nakalockdown ti Sitio 1 iti nasao a barangay.
Segun kenni Conche, rumwar laeng ti babai iti maikadua a kadsaaran ti balay da tapno maibaba dagiti basura.
Inpetteng na a saan a rimwar iti inaladan ti pagtaengan da.
Maipalagip a nakumpirkaran ni IN-C1614 a positibo iti COVID idi Abril 24 idinto ni In-C1782 ket idi Abril 28 ita a tawen.
Nakaawat ti Bombo Radyo Laoag ti mensahe a naipan iti isolation area dagiti maseknan idinto a nagisolate da iti pagtaengan da.
