LAOAG CITY – Naawaten ni Barangay Chairwoman Evangeline Rarangol iti Barangay Nagpatpatan iti ili ti Solsona ti 90 nga aldaw a preventive suspension na.
Malaksid ken ni Rarangol ket naawat metten ni Barangay Kagawad Freznel Rubio iti Brgy. Catangraran iti nasao nga ili.
Segun ken Rarangol, mannarimaan met ti planoda iti legal counsel na para iti addang nga iwayatda.
Maipalagip nga inaprobaran ti Sangguniang Bayan iti ili ti Solsona ti preventive suspension kontra kadakuada gapu iti sumagmamano a grounds, maysa ditoyen ti panang-bingbingayda kadagiti relief goods nga aggapo iti Department of Social Welfare and Development – Region I a maibunong kadagiti residente a biktima ti dimmuprak a bagyo ditoy probinsia iti kallabes.
Kabayatanna, ipetpetteng ti Kapitana nga adda posibilidad a pakainaigan ti sangsnagwen na nga isyu iti politika.
