LAOAG CITY – Natiliw maysa a Chief Tanod ti Brgy. Naguirangan iti ciudad ti Batac kalpasan ti naiwayat a search operation.
Binigbig ni P/Supt. Marlon Paiste, Hepe ti PNP Batac ti barangy chief Tanod a ni Edmund Tolentino, agtawen iti 48, ken naasawaan.
Nakumpiskar dagiti otoridad ti 9 nga heat sealed transparent plastic sachet a naglaon iti white crystalline substance a mapapati a shabu iti balay ti suspek.
Segun kenni Paiste, nagsurender idin ni Tolentino ngem itultuloy na latta met ti nasao nga aramid.
Kuna na nga idi assestment ken drug testing kadagiti maatap a drug personality, ket kanayuna maudi ni Tolentino.
Maisagsaganan ti kaso a maipila kontra ken ni Tolentino a panagsalungasing iti RA 9165 wenno Dangerous Drugs Act of 2002.
Ti nasao a search warrant ket inparuk-at ni Hon. Judge Francisco RD Quilala iti RTC Branch 14 ditoy ciudad ti Laoag.
