LAOAG CITY – Nabayagen a napagbalin a mandatory a maaddaan ti Violence Against Women desks (VAW) Officer iti kada barangay ditoy ciudad ti Laoag.
Daytoy ti inrakurak ni Miss Mary Joan Pasigui , ti Focal person ti Local Committee against Trafficking-Violence against Women and their Children iti gobierno lokal ditoy ciudad.
Kuna na nga iti kada tawen ket mangiwayat da ti monitoring kadagiti maseknan tapno amwen no ania dagiti maar-aramidan da.
Innayon na a ti nasao nga addang ket pagbibinnuligan iti opisina da, kadwa da iti Department of the Interior and Local Government, ken dadduma pay nga stakeholders.
Segun pay ken ni Pasigui, amin a barangay ditoy ciudad ket addaanen ti Violence Against Women desks (VAW) Officer nga isuda ti umuna a mangtaming kadagiti panagabuso a mapaspasaran dagiti residente, kangrunaan na dagiti babbai ken ubbing.
