LAOAG CITY – Inabak ti Barangay Ginebra ti NorthPort iti iskor a 126-99 para iti naan-anay a makastrek iti finals ti PBA 49th Season Commissioner’s Cup.
Sipod iti rugi ti ay-ayam ket saanen a pinasublat ti Ginebra ti Batang Pier tapno lippasenen ti best-of-seven semifinals ken maala ti 4-1 a bentahe.
Bimmida iti panagballigi ti Ginebra ni Justin Brownlee nga addaan ti 21 points idinto nga addaan ti sag-20 points da RJ Abarrientos ken Japeth Aguilar.
Makasango da Barangay Ginebra ti TNT Tropang Giga iti Finals a ti Game 1 ket mangrugi inton Marso 14 a maisayangkat iti Mall of Asia Arena.
