LAOAG CITY – Natagbat ti rupa ni Barangay Kagawad Nick Ventura Juan, agtawen ti 58 ken naasawaan kalpasan a napan naganawa iti riri iti Brgy. 50 Buttong ditoy siudad ti Laoag.
Basar iti Laoag City Police Station, napan nagresponde ti Kagawad iti komosion kaduana ni Mr. Rizal Ranada Daquioag, agtawen ti 48 a maysa met a tinagbat ti suspek a ni Marcel Ramirez Garo, adda ti umno a tawen ken residente iti nasao met laeng a barangay.
Mainaig iti daytoy, idi napan nagresponde dagiti biktima ket nagbalin nga agresibo ti suspek nga adda ti iggemna a buneng.
Naarestar ti suspek babaen ti warrantless arrest ti barangay tanod ken nai-turn over iti kuerpo ti pulisia pakairamanan ti nausar a buneng nga adda ti kaatiddogna a 17 a pulgada.
Naammoan a ti suspek ket naikabil iti Gov. Roque B. Ablan Sr. Memorial Hospital para iti medical examination idinto a dagiti biktima ket naitaray iti Laoag City General Hospital para iti naan-anay a pannakatamingna.
