LAOAG CITY – Maysa a barangay kagawad iti Brgy. Cali iti ili ti Dingras ti boluntrayo a nangisuko ti paltog na iti kapulisan.
Kuna ni PCapt. Norman Pentang, hepe ti Philippine National Police Dingras a daytoy ket kageddan ti maiyus-uswat nga Oplan Katok kadagiti firearm holder iti nasao nga ili.
Segun ken ni Pentang, calibre 45 a paltog ti boluntaryo nga indeposito kadakuada ti barangay kagawad ken addaan daytoy ti magazine.
Inpakaammo na a rehistrado daytoy ket agngudo ti validity ti lisenysa ti igam intuno Pebrero 25, 2025.
Immuna iti daytoy, inlawlawag ni Pentang a ti nasao nga addang ket kas panagsagsagana iti masungad a Barangay ken Sannguniang Kabataan Elections ita a tawen.
