LAOAG CITY – Naglikudan ni Barangay Kagawad Randolph Abad iti Barangay 17 P. F Alviar iti ili ti Vintar ti alegasyon kenkuana nga agsuksukit ti underwear ken agsirsirip.
Basar iti akusasyon, idi Hulyo 29 ita a tawen ket maipagarop a nakita a mismo ti nagreklamo a nagsirip ti kagawad ken sinukit na dagiti underwear a nakasalapay rason a mapukpukaw dagitoy.
Segun kenni Abad, pamerperdi laeng ti nasao nga alegasyon ken mamati a maipaspasa laeng kenkuana ti aramid ti sabali a tao.
Inpetteng na nga awan ti aramid na a madi iti barangay da ken dadduma pay a lugar kangrunaan na ti panagsukit ti underwear.
Kabayatanna, naglikudan na pay ti akusasyon a basbastosen na dagiti babbai iti lugar da.
