LAOAG CITY – Natiliw ti maysa a barangay kagawad ken maysa pay a lalaki babaen ti simultaneous a panagarestar ti PNP Pidding.
Nabigbig dagitoy a da Brgy. Kagawad Jesus Leaño, agtawen ti 39, naasawaan ken taga Brgy. Tanggaoan ken ti agnagan ti Allen Jake Juriel Agustin, agtawen ti 19, awanan ti asawa, maysa a call center agent ken residente iti Brgy. Tunudon iti ili ti Pidding.
Naamoan a dagitoy ket naglabsing ti City Ordinance no sadinno a ti kagawad ket saan a nagisuot ti seatbelt idinto a ni Agustin ken awanan ti helmet.
Naarestar dagitoy babaen ti bileg ti warrant of arrest nga napetsaan ti January 19, 2017 babaen kenni Hon. Judge Jonathan Asuncion iti First Division Region MTCC Branch 2 Laoag City.
