LAOAG CITY – Natiliw ti maysa a barangay kagawad iti Brgy. Caray iti ili ti Nueva Era.
Segun kenni Police Lt. Tolentino Erum, hepe ti PNP Nueva Era, inserbi da ti maysa a warrant of arrest nga inparuk-at ti RTC Branch 15 ditoy siudad ti Laoag gapu ti kaso nga homicide kontra ti nasao nga akusado.
Nairekomendar ti 200 a ribo a pisos a pyansa ti nasao nga opisyal ti barangay.
Nagtalinaed ti akusado iti kustudyar ti PNP Nueva Era ken manamnama a maidatag iti korte a naggapuan ti warrant of arrest.
Naamuan a napasamak ti insidente a nakairamanan ti akusado idi tawen 2015 no sadinno a bayat ti panagtaray ti kaso ket nadismiss daytoy gapu ti kinakurang ti ebidensya.
Nupay kasta, adda ti nagipila ti motion for reconsideration rason a naitultuloy ti kaso.
Napasamak ti insidente no sadinno a ti biktima ket trabahador da ken maipagarup a dati a susik ti motibo ti krimen.
