LAOAG CITY – Nagkiddaw ni Barangay Kagawad Ronie Alejandro iti Brgy. 32-B Lapaz ditoy siudad ti Laoag ti nayun a food packs para kadagiti residente iti Sitio 4 agingga iti Sitio 7.
Daytoy ket gapu ti pannakailockdown ti barangay a nangrugi idi Enero 15 ita a tawen.
Kuna na nga immuna a naikkan ti ayuda dagiti residente iti Sitio Uno, Dos ken Tres.
Kabayatanna, inbunannag ni Alejandro nga adda ti nangegan na a mapalukayan ti lockdown iti barangay no sadino a ti Sitio Uno Dos ken Tres laeng ti maisolate idinto a ti nabatbati ket sitio ket malukayan.
Inlawlawag na a saan met a naladaw nga ipasad da ti kiddaw a nayun nga ayuda gapu ta inaramid da ti surat idi Enero 20.
